اتعلم مراجعه الدرس الخامس - تنفيذ إجراءات تحليلية مبدئية Perform preliminary analytical procedures

- تنفيذ إجراءات تحليلية مبدئية

( Perform preliminary analytical procedures )

إتكلمنا و قولنا :

بعد ما بنعمل تفهم نشاط العميل و الصناعة
(Understand the client’s business and industry)
ونشوف الراجل ده شغال فى ايه و شغال إزاى و العناصر المؤثرة على/ فى نشاطه.

بنبدأ نعمل تقييم مخاطر نشاط العميل  ( Assess Client Business risk)

كيف نقوم بنعمل تقييم مخاطر نشاط العميل  ( Assess Client Business risk)؟

لازم تعرف الرقابة الداخلية للشركة عبارة عن أيه و ماشية إزاى ؟

لازم تعرف دورة النقدية – دورة المشتريات – دورة المبيعات و هكذا بتدار إزاى

لازم تعرف طريقة توزيع الإختصاصات و مسئولية أفراد كل إدارة فى المعاملات
و منهم تقدر تحدد و تقييم المخاطر و تشوف نسبة التحريف الهام و المؤثر عشان تقدر تقلل فرص السماح لأى شخص بأن يكون فى موقف يسمح له بأن يرتكب فيه أو يخفى الأخطاء أو الغش أثناء قيام هذا الشخص بمهامه العادية

تمام أووى لحد كده ... نيجى بقى لحكاية أنهاردة .. بص يا سيدى بعد ما عملت الكلام اللى فوق ده كله بتبدأ تعمل حاجة إسمها : -

 تنفيذ إجراءات تحليلية مبدئية ( Perform preliminary analytical procedures )

اللى هى ( شوية نسب و معادلات بسيطة كده ) بتوصلنا لنتائج

طيب النتائجدى لو طلعت جوهرية أو بمبالغ و نسب كبيرة عن المتعارف عليه أو المتوقع لازم تصحصح كده يا عم الحاج !

و تعمل إستفسار من الإدارة المالية أو المدير المالى عن سبب التغييرات الجوهرية دى

طيب زى أيه ؟ هقولك أنا خد المثال ده :

مش كل شركة أو منشأة فاتحة عشان ( مبدأ الإستمرارية) – Going Concern Concept -

يبقى لازم تعرف مدى امكانية استمرار العميل

تعمل إيه بقى تحسب نسبة الدين الى حقوق الملكية و تقارن بالسنوات السابقة و تقارن بالشركات الناجحة في نفس المجال.

يعنى بتشوف إجمالى الإلتزاماتاللى على الشركة و تقسمها على إجمالى حقوق مساهمين الشركة

قالك بقى يا مدير أن الإجراءات دى ليها كذا نوع زى :

*مقارنة المعلومات المالية للفترة الحالية بالمعلومات المالية المماثلة عن فترة سابقة

*مقارنة المعلومات المالية الحالية الفعلية بالنتائج المتوقعة أو المخططة مثل المقارنة مع الموازنات التخطيطية والتنبوءات المستقبلية

* مقارنة البيانات المالية الفعلية للعميل بتوقعات المراجع

*مقارنة المعلومات المالية للشركة بالمعلومات المالية للشركات المماثلة في الصناعة التي ينتمي إليها المشروع

طب أعمل الكلام اللى فوق ده إزاى بردو ؟

بص يا سيادة المراجع .. قالك يخضع إختيار طريقة تنفيذ الإجراءات التحليلية إلى المراجعيعنى زى ما تحب
بس أكثر الطرق شيوعا هى إستخدام النسب المالية

النسب دى بقى عبارة عن:

* نسب السيولة Liquidity Ratios

* نسب القدرة على سداد الديون طويلة الأجل Solvency Ratios

* نسب الربحية Profitability Ratios

* نسب التشغيل Activity Ratios

أهم النسب دى بقى اللى لازم تكون عارفها و تستخدمها هى :

نسبة التداول = الأصول المتداولة / الالتزامات المتداولة

نسبة السداد السريع = الأصول المتداولة – المخزون /الالتزامات المتداولة

نسبة السداد المعجل ( النقدية ) = الــنــقـديـــة /الالتزامات المتداولة

معدل دوران العملاء = صافى المبيعات /متوسط رصيد العملاء

متوسط فترة التحصيل = 365 /معدل دوران العملاء

معدل دوران المخزون = تكلفة البضاعة المباعة/متوسط رصيد المخزون

متوسط فترة الاحتفاظ بالمخزون =

365 /معدل دوران المخزون

نسبة هامش الربح = هامش الربح / المبيعات

نسبة صافى الربح = صافى الربح / المبيعات

ربحية السهم = صافى الربح القابل للتوزيع / عدد الأسهم

نسبة الالتزامات إلى حقوق المساهمين = اجمالى الالتزامات /إجمالى حقوق المساهمين

فى حاجة كمان لازم تعملها و هى :

*مقارنة الأرصدة المالية للفترة الحالية بالأرصدة المالية المماثلة عن فترة سابقة

الفروقات اللى هتكون جوهرية بين الفترتين لازم تستفسر عن سبب الفروقات دى

و تقدر من بعدها تشتغل على :

تحديد الأهمية النسبية و تقييم المخاطر (خطر المراجعة و الخطر المتأصل )

(Set Materiality and assess acceptable audit risk and inherent risk )

⏪المقاله من اعداد ا. مصطفى السيد  محاسب ومراجع قانونى فى بيج 10  ⏩

لاطلاع على باقى الكورس اضغط هنا