مـكافأة نهاية الخدمة
يقصد بمكافأة نهاية الخدمة المبالغ المستحقة للموظف أو العامل بعد نهاية عقدة كمكافأة للفترة التى قضاها فى خدمة المنشأة و ينص نظام العمل و العمال على ان يتم احتساب مكافأة نهاية الخدمة على اساس أجر نصف شهر عن كل سنة من السنوات الخمس الاولى و أجر شهر كامل عن كل سنة من السنوات التالية , و يتم احتساب المكافأة على اساس آخر راتب للموظف .
في 1-1-2016 تم تعين المحاسب أحمد في الشركة براتب 5000 الف ريال ..
نهايه السنه قالك يلا نعمل الاقفالات منها نهايه الخدمة ..
ملحوظة :- حساب نهايه الخدمة نصف راتب شهر عن أول خمس سنوات و من بعد كدة راتب شهر كامل عن كل سنه .
يبقى نهايه 2016م هنعمل قيد نهايه الخدمة لاحمد بنصف الراتب لانه أول سنه من ضمن ال 5سنوات الاولى .
2500 من ح/ مصروف نهايه الخدمة 2016
2500 الى ح/ المخصص نهايه الخدمة 2016
..في نهايه السنه التالية الى هى 2017م هيكون احمد بقاله سنتين في الشركة يبقى له نصفين راتب (2016-2017) يعنى 5 الف ريال ..طيب انت اثبت لاحمد قبل كدة 2500 في 2016م يبقى هنا هتعمل قيد بالفرق
2500 من ح/ مصروف نهايه الخدمة 2017
2500 الى ح/ المخصص نهايه الخدمة 2017
وهكذا نهايه كل عام ومن بدايه العام السادس لاحمد في الشركة يتم حساب شهر عن كل سنه ...
في عام 2018م تم ترقيه أحمد وتم تعديل راتبه الى ان وصل 8000 ريال
نهايه 2018م هنحسب لاحمد نهايه الخدمة على اخر راتب له وهو 8 الف ريال
(4000-4000-4000) الى هتى تخص سنوات (2016-2017-2018) يعنى الاجمالي اصبح 12 الف ريال
طيب انا ثبت لاحمد قد ايه نهايه خدمة قبل كدة ..ثبت له 5 الف عن عام 2016-2017م يبقى هنا الفرق هيكون 7 الف ريال هيتم عمل قيد بيهم نهايه 2018م
7000 من ح/ مصروف نهايه الخدمة 2018م
7000 الى ح/ مخصص نهايه الخدمة 2018م
*** أحمد طلب صرف جزء من نهايه خدمتة بدل ما ياخد سلفه المدير ان الحلال وافق انه يصرف له 2000 ريال من نهايه خدمة احمد ..هنا القيد هيكون ازى وكيف هياثر على الميزانية وقائمة الدخل ...
2000 من ح/ مخصص نهايه الخدمة
2000 الي ح/ البنك او الصندوق
*** شوف بقى حته المدير المالي هنا في الميزانية ****مخصص نهايه الخدمة من المصروفات التى يتم ردها عند اعداد قائمة التدفقات النقدية
صافي الربح
يضاف له مصروف الاهلاك
يضاف له مخصص نهايه الخدمة
ومثلها مثل مصروف اهلاك الاصول الثابته ...طيب بالنسبة 2000 ر يال الى تم صرفها دى بقى لا ترد من المخصص وتضاف على المصروف مباشرة ولا يتم تعديل الربح بها .
ملحوظات يجب معرفتها عن نهايه الخدمة :-
1- يتم حساب مكافية نهايه الخدمة على أخر راتب استلمة الموظف (اساسى +بدل سكن -بدل مواصلات -عمولات ) وفيه شركات أخرى للاسف بتحسبة عن الأساسي وبدل السكن .وفيه ناس تانية على الاساسي ودا يرجع لنظام الشركة على الرغم ان مكتب العمل بيقول شامل ...
2- مخصص نهايه الخدمة زيه زى اى مخصص يتم تعديل الربح به عند اعداد قائمة التدفقات النقدية يخصم كامل ما عدا ما تم صرفه خلال العام مثال 2000 ريال في مثالنا فوق .
3- مخصص نهايه الخدمة تراكمي طيله سنوات عمل الموظف في الشركة .